• ... ५४१  पटक हेरिएको

आइतबार, फाल्गुण १४, २०७९ समय : १७:५४:१५ , २ वर्ष अगाडि

• चिरफार डटकम, विराटनगर

सुनसरीको इटहरीस्थित किन्डर पिलर एकेडेमीले भव्य समारोहको आयोजना गरेर ७ औं वार्षिकोत्सव मनाएका छन् । शनिबार इटहरीस्थित ऋषिका बुटिकमा एकेडेमीले आयोजना गरेको वार्षिकोत्सव समारोहका प्रमुख अतिथि प्रदेश नं. १ का प्रदेश सभा सदस्य डोल्मा तामाङ हुनुहुन्थ्यो ।

एकेडेमीकी निर्देशक श्रृति शर्माको सभापतित्वमा भएको वार्षिकोत्सव समारोहमा उद्योग वाणिज्य संघ इटहरीका अध्यक्ष जीवन पराजली, अभिभावक, विद्यार्थी र शिक्षिकाहरुको सहभागिता रहेको थियो ।

एकेडेमीले प्ले ग्रुपदेखि कक्षा-२ सम्म अमेरिकन पद्धतीबाट गुणस्तरीय शिक्षा प्रदान गरिरहेको छ । एकेडेमीका निर्देशक शर्माले अगामी दिनमा थप कक्षा संचालन गरी प्रविधिमैत्री शिक्षा प्रदान गर्ने लक्ष्यका साथ अगाडी बढेको बताइन ।

वार्षिकोत्सव समारोहमा एकेडेमीमा अध्ययरत बालबालिकाहरुले खेलकुद प्रर्दशन गर्दै नृत्य प्रस्तुत गरेका थिए । स्कुलका निर्देशक शर्माले वार्षिकोत्सव समारोहमा प्रथम, दोस्रो र तेस्रो हुने उत्कृष्ट बालबालिकाहरुलाई पुरस्कार वितरण गरेका थिए ।