मोरङको पत्रकारिता सात दशक नामक स्मारिका प्रकाशन भएको छ । नेपाल पत्रकार महासंघ मोरङ शाखाको २०७८÷०८१ को कार्यसमितिले मोरङको पत्रकारिताको सात दशक स्मारिका प्रकाशन गरेको हो ।

नेपाल पत्रकार महासंघ मोरङ शाखाका पूर्वअध्यक्षहरु मोहन भण्डारी, दिपक दाहाल, शिवबहादुर कार्की, महेन्द्र बिष्ट र बन्धु पोखरेलले बुधवार स्मारिका विमोचन गरेको हो ।

नेपाल पत्रकार महासंघ मोरङ शाखाका कार्यवाहक अध्यक्ष तारा आचार्यको अध्यक्षतामा आयोजना गरिएको स्मारिका विमोचन कार्यक्रममा कोशी प्रदेश संसदीय पत्रकार मञ्चका अध्यक्ष कुमार लुइँटेल र नेपाल पत्रकार महासंघ मोरङ शाखाका सचिव नेत्र पी अधिकारीको सहभागिता रहेको थियो ।

पत्रकार यज्ञ शर्मा र कुमार लुइँटेलले मोरङको पत्रकारिताको सात दशक स्मारिकाको सम्पादन गरेका छन् । मोरङ जिल्लालाई कार्यक्षेत्र बनाएर पत्रकारिता गरिरहेका पत्रकारहरूको सञ्चार संस्था र मोबाइल नम्बर स्मारिकामा समेटिएको छ ।