- चिरफार डटकम, विराटनगर १५५ पटक हेरिएको
बिहिबार, मंसिर १३, २०८१ समय : १५:३५:४१ , ९ घन्टा अगाडि
राष्ट्रिय प्रजातन्त्र पार्टी (नेपाल) ले विराटनगरका बल्लभप्रसाद दाहाललाई केन्द्रिय उपाध्यक्ष पदको जिम्मेवारी दिएको छ । राप्रपा नेपालका केन्द्रिय अध्यक्ष एवं पूर्व उपप्रधानमन्त्री कमल थापाले बुधबार विराटनगरमा दाहाललाई पार्टीमा प्रवेश गराएका थिए ।
विराटनगरबाट काठमाडौँ फर्किएपछि अध्यक्ष थापाले बुधबार नै दाहाललाई केन्द्रिय उपाध्यक्षमा मनोनयन गरेको हो । पछिल्लो समय दाहालले आफ्नै अध्यक्षतामा एकीकृत राष्ट्रिय संघर्ष समिति मोरङ गठन गरेर पूर्वमन्त्री बद्रीप्रसाद मण्डल र नेपाल विद्त परिषदका केन्द्रिय अध्यक्ष जितबहादर अर्जेलसँग सहकार्य गरेर पूर्वराजा र राजसंस्था फर्काउने अभियानका लागि संघर्षरत थिए ।
