- चिरफार डटकम, विराटनगर २९६ पटक हेरिएको
बिहिबार, कार्तिक २२, २०८१ समय : १४:२१:१६ , ३ हप्ता अगाडि
नेपाली कांग्रेसले बलराम सरदारलाई मोरङको ग्रामथान गाउँपालिकामा अध्यक्ष पदको उम्मेदवार बनाएको छ । आगामी मंसिर १६ गते ग्रामथान गाउँपालिकामा रिक्त रहेको अध्यक्ष पदको लागि उपनिर्वाचन हुन लागेको हो ।
यस अघि ग्रामथान गाउँपालिकामा नेपाली कांग्रेसका तर्फबाट जयप्रकार गछदार भारी मतान्तरले विजय प्राप्त गरेका थिए । केही समय अगाडि गछदारको निधन भइसकेका छन् ।
नेपाली कांग्रेस मोरङका सभापति एवं संघिय सांसद डिगबहादुर लिम्बुको अध्यक्षतामा बिहीबार बसेको बैठकले सरदारलाई सर्वसम्मत रुपमा अध्यक्ष पदको उम्मेदवार बनाउने निर्णय भएको नेपाली कांग्रेस मोरङका सूचना सञ्चार एवं प्रचार विभाग प्रमुख पत्रकार विरेन्द्रकुमार साहले जानकारी गराए ।
नेकपा माओवादी केन्द्रले यस अघिनै नमोनारायण माझीलाई ग्रामथान गाउँपालिकाको अध्यक्ष पदको उम्मेदवार बनाइ सकेका छन् । नेकपा एमालेले ग्रामथान गाउँपालिकाको अध्यक्ष पदको उम्मेदवारको टुंगो लगाउन सकेको छैन ।
