- ... ४४८ पटक हेरिएको
मंगलबार, माघ १७, २०७९ समय : १८:२१:४२ , २ वर्ष अगाडि
- चिरफार डटकम, विराटनगर
मोरङका प्रमुख जिल्ला अधिकारी तिर्थराज भट्टराईले सबैको सहयोग लिएर अगाडी बढ्ने प्रतिबद्धता व्यक्त गरेको छ । ४ दिन अगाडी मोरङका प्रमुख जिल्ला अधिकारीको कमाण्ड सम्हालेका प्रजिअ भट्टराईले मंगलबार पत्रकार सम्मेलन गरेर निजी, गैरसरकारी तथा संचार क्षेत्रसंग मिलेर काम गर्ने प्रतिबद्धता व्यक्त गरे ।
सरकार एक्लै चल्न नसक्ने भएकोले सबै क्षेत्र तह र तप्कासंग सहकार्य गरेर अगाडी बढ्ने बताए । जिल्लाको शान्ति सुरक्षा बाहाल गर्नेदेखि नागरिकता, पासपोर्ट र राष्ट्रिय परिचय–पत्र जस्ता जनताको कामलाई प्राथमिकतामा राखेर सेवा प्रवाह गर्ने भट्टराईले बताए ।
पत्रकार सम्मेलनमा नेपाल पत्रकार महासंघ मोरङ शाखाका अध्यक्ष संजिव खनाल, गैर सरकारी संस्था महासंघ नेपाल मोरङका अध्यक्ष तथा एबिसी नेपालका अध्यक्ष विष्णु शर्मा आचार्य र इन्सेक १ नं. प्रदेश कार्यालयका संयोजक सोमराज थापाले सरकार संग सहकार्य गरेर काम गर्ने इच्छा व्यक्त गरे ।
