• चिरफार डटकम, विराटनगर ६६४  पटक हेरिएको

आइतबार, आश्विन २०, २०८१ समय : १४:०१:५१ , ३ महिना अगाडि

नेपाल अग्रवाल सभा विराटनगरले भव्य समारोहको आयोजना गरेर ५१४८औं अग्रसेन जयन्ती मनाएका छन् । नेपाल अग्रवाल सभा विराटनगरका अध्यक्ष राजकुमार अग्रवाल, नेपाल अग्रवाल महिला मञ्च विराटनगरका अध्यक्ष उमा चौधरी, नेपाल अग्रवाल युवा मञ्च विराटनगरका अध्यक्ष चेतन अग्रवाल र नेपाल अग्रवाल कन्या मञ्च विराटनगरका अध्यक्ष मेघी तोदीले अग्रवंश कुल प्रवर्तक महाराजा अग्रसेनको जन्मजयन्ती भव्य रुपमा मनाएका छन् ।

नेपाल अग्रवाल सभा विराटनगर, नेपाल अग्रवाल महिला मञ्च विराटनगर, नेपाल अग्रवाल युवा मञ्च विराटनगर र नेपाल अग्रवाल कन्या मञ्च विराटनगरले शनिबार साँझ विराटनगरमा आयोजना गरेको विशेष सभामा प्रा.डा. जगदिश अग्रवाल, रंगेली नगरपालिकाका मेयर दिलिप बगडिया (अग्रवाल), नेपाल अग्रवाल सभा विराटनगरका निवर्तमान अध्यक्ष अभिषेक तोदी, पूर्वअध्यक्ष उद्योगी एवं समाजसेवी देवकीनन्दन अग्रवाल, नेपाल राष्ट्रिय मारवाडी परिषदका केन्द्रिय उपाध्यक्ष भिखमचन्द सरल, मारवाडी सेवा समिति विराटनगरका अध्यक्ष गोविन्द झुनझुनवाला, नेपाल अग्रवाल सभा विराटनगरका अध्यक्ष राजकुमार अग्रवाल, नेपाल अग्रवाल महिला मञ्च विराटनगरका अध्यक्ष उमा चौधरी, नेपाल अग्रवाल युवा मञ्च विराटनगरका अध्यक्ष चेतन अग्रवाल र नेपाल अग्रवाल कन्या मञ्च विराटनगरका अध्यक्ष मेघी तोदी अतिथिको रुपमा सहभागि थिए ।

विशेष सभा पछि आयोजित सामुहिक गोठप्रसाद ग्रहण कार्यक्रममा विराटनगरमा बसोवास गरिरहेका हजारौं नेपाल अग्रवाल समुदायका व्यक्तिहरु सहभागि थिए । नेपाल अग्रवाल सभा विराटनगरले शनिबार बिहान विराटनगरमा शोभायात्रा निकालेका थिए । नेपाल अग्रवाल सभा विराटनगरले शनिहाट स्थित मारवाडी सेवा सदनबाट निकालेको शोभायात्रा नगरक्षेत्रको परिक्रमा पछि पुनः मारवाडी सेवा सदनमा पुगेर कार्यक्रम समापन भएको थियो ।