- चिरफार डटकम, विराटनगर ४९३ पटक हेरिएको
शुक्रबार, आश्विन १८, २०८१ समय : १५:२६:०९ , २ महिना अगाडि
नेपाल अग्रवाल सभा विराटनगरले असोज १९ गते शनिबार भव्य कार्यक्रमको आयोजना गरेर अग्रवंश कुल प्रवर्तक महाराज अग्रसेन जयन्ती मनाउँदै छ । नेपाल अग्रवाल सभा विराटनगरका अध्यक्ष राजकुमार अग्रवालले शनिबार बिहान विराटनगरमा अग्रसेन महाराजको फोटोलाई रथमा राखेर शोभा यात्रा निकाल्ने तयारी भइरहेको बताए ।
शोभा यात्रामा अग्रसेन महाराजको रथसहित १८ गोत्रहरू रथ रहने छ । शनिबार बिहान ७ः३० बजे मारवाडी सेवा सदनबाट निस्कने रथ यात्रा नगरक्षेत्रको परिक्रमा गर्नेछ । नेपाल अग्रवाल सभा विराटनगरका अध्यक्ष राजकुमार अग्रवालले विराटनगरमा बसोवास गरेर उद्योग व्यवसायी सञ्चालन गरिरहेका सम्पूर्ण अग्रवाल समाजका व्यक्तिलाई शोभा यात्रामा सहभागिता जनाउन आग्रह गरेका छन् ।
नेपाल अग्रवाल सभाले शनिबार साँझ विराटनगरको सिटी प्यालेस होटल एण्ड रिसोर्टमा विशेष सभाको आयोजना गरेर अग्रसेन जयन्तीको समापन गर्नेछ । नेपाल अग्रवाल युवा मञ्च विराटनगरका अध्यक्ष चेतन अग्रवालले ५१४८ औं अग्रसेन जयन्तीको तयारी पुरा भइसकेको बताए ।
शनिबार साँझ आयोजना गरिने विशेष सभा एवं सांस्कृतिक कार्यक्रमपछि सामूहिक गोठ प्रसाद ग्रहणको कार्यक्रम रहेको र कार्यक्रममा सहभागिता जनाउने अग्रवाल समाजका हजारौं व्यक्तिहरू सहभागि हुने नेपाल अग्रवाल युवा मञ्च विराटनगरका अध्यक्ष चेतन अग्रवालले बताए ।
