• ब्रह्मदेव यादव, विराटनगर १११२  पटक हेरिएको

बुधबार, आश्विन ०९, २०८१ समय : १७:३५:०७ , २ महिना अगाडि

बुधबार विराटनगरको भव्या इन्टरनेशनल सोरुममा आगलागी भएको छ । आगलागीबाट डेढ करोड रुपैयाँ भन्दा बढि रकम बराबरको इलेक्ट्रिक सामान पूर्ण रुपमा जलेर नष्ट भएको संचालक मनिस अग्रवालले बताए ।

धरान, विराटनगर सडक खण्डको विराटनगर–२ स्थित मुनालपथमा रहेको भव्या इन्टरनेशनल सोरुममा बुधबार दिनको २ बजेदेखि आगलागी सुरु भएको थियो ।

४५ मिनेट ढिलो गरेर दमकल आइपुगेकोले डेढ करोड रुपैयाँ भन्दा बढि रकम बराबरको इलेक्ट्रिक सामान जलेर पूर्ण रुपमा काम नलाग्ने अवस्थामा पुगेको सञ्चालक अग्रवालले बताए ।

भव्या इन्टरनेशनल प्रा.लि. ले ११ वर्षदेखि मुनालपथको सोरुमबाट इलेक्ट्रिक साइकल र इ–सिटी सफारी बिक्री गर्दै आइरहेका छन् । सोरुममा विधुत सर्किट भएर आगलागी भएको शंका गरिएको छ । 

भव्या इन्टरनेशनल सोरुम सँगै बजाजको सोरुम पनि रहेको छ । आगलागीका कारण बजाज सोरुममा पनि क्षति पुगेको छ ।