- चिरफार डटकम, विराटनगर ५६३ पटक हेरिएको
मंगलबार, आश्विन ०१, २०८१ समय : २१:२९:३५ , २ महिना अगाडि
नेपाल उद्योग वाणिज्य महासंघ कोशी प्रदेश समितिका कार्यकारी निर्देशक राधारमण भण्डारी (श्याम) मंगलबार जापान प्रस्थान गरेका छन् । जापानमा आयोजना हुन गइरहेको अन्तर्राष्ट्रिय सेमिनारमा भाग लिन भण्डारी जापान तर्फ प्रस्थान गरेको हो ।
जापानको अन्तर्राष्ट्रिय सेमिनारमा विश्वका १६ वटा देशका प्रतिनिधिको सहभागिता हुनेछ । जसमध्ये निजी क्षेत्रको छाता संगठन नेपाल उद्योग वाणिज्य महासंघको तर्फबाट जापानको सेमिनारमा सहभागिता जनाउने भण्डारी एक मात्र प्रतिनिधि हुन् ।
नेपाल उद्योग वाणिज्य महासंघ कोशी प्रदेश समितिका अध्यक्ष एवं उद्योगी राजेन्द्र राउतले द एशोसिएसन फर ओभरसिज टेक्निकल कोअपरेशन एण्ड सस्टेनेबल पार्टनरसिपको आयोजनामा हुन गइरहेको औद्योगिक सम्बन्ध र मानव श्रोत तथा व्यवस्थापन सम्बन्धी अन्तर्राष्ट्रिय सेमिनार १५ दिनसम्म चल्ने जानकारी गराएको छ ।
भण्डारी नेपाल उद्योग वाणिज्य महासंघ कोशी प्रदेशको स्थापनाकालदेखि कार्यकारी निर्देशको जिम्मेवारी सम्हाली रहेका छन् । नेपाल उद्योग वाणिज्य महासंघ कोशी प्रदेश समितिले २०८१ भाद्र २७ देखि ३० गतेसम्म मोरङ जिल्लाको कटहरी गाउँपालिकामा आयोजना गरेको पहिलो कृषि एक्स्पोलाई भव्य रुपमा सफल बनाउन कार्यकारी निर्देशक भण्डारीको महत्वपूर्ण देन रहेको छ ।
