• चिरफार डटकम, विराटनगर ४०९  पटक हेरिएको

शुक्रबार, भाद्र १४, २०८१ समय : १४:५५:०७ , ३ महिना अगाडि

विराटनगरका वरिष्ठ समाजसेवी दिनबन्धु गोयललाई लायन्स क्लब अफ विराटनगर एक्जीक्यूटिभले शिक्षा सम्मान प्रदान गरेको छ । दलित समुदायका बालबालिकाहरु अध्यनरत मोरङको बुढिगंगा गाउँपालिका–२ को लोटस पब्लिक स्कुल भवन संरचना निर्माण र मर्मत सम्भारका लागि १ लाख रुपैयाँ सहयोग गरेको कारण लायन्स क्लब अफ विराटनगर एक्जीक्यूटिभले गोयललाई सम्मान गरेको हो ।

लायन्स क्लब अफ विराटनगर एक्जीक्यूटिभ २०२३-२०२४ का अध्यक्ष प्रतिश अग्रवाल सहित क्लबका पदाधिकारीहरू शुक्रबार गोयलको विराटनगर स्थित घरमै पुगेर सम्मान गरेका थिए । लायन्स क्लब अफ विराटनगर एक्जीक्यूटिभका संस्थापक अध्यक्ष घनश्याम राठी, पूर्व अध्यक्ष जितेन्द्र अग्रवाल सम्मानपत्र बोकेर गोयलको घरमा पुगेका थिए ।