• चिरफार डटकम, विराटनगर ७७१  पटक हेरिएको

सोमबार, आषाढ ३१, २०८१ समय : १३:५४:४१ , ४ महिना अगाडि

ललिता जाजु माहेश्वरी महिला मञ्च विराटनगरको अध्यक्ष भएकी छिन् । समाजको आइतबार विराटनगरमा सम्पन्न साधारणसभाले ललिता जाजुलाई सन् २०२४÷०२५ का लागि निर्विरोध अध्यक्ष पदमा निर्वाचित गरेको हो । ललिता जाजु यस अघि पुनम राठी अध्यक्ष रहेको कार्यसमितिमा प्रथम उपाध्यक्ष रहेकी थिन ।

उपाध्यक्ष पदमा रहेर उत्कृष्ट कार्यसम्पादन गरेकोले ललिता जाजुलाई समाजमा अध्यक्ष पदको जिम्मेवारी सुम्पिएको हो । समाजका नवनिर्वाचित अध्यक्ष ललिता जाजु प्रतिष्ठित उद्योगपति महेश जाजुका भाई आनन्द जाजुका श्रीमती हुन् । साधारणसभाले अनामिका परतानीलाई प्रथम उपाध्यक्ष, शितल बाहेतीलाई द्वितीय उपाध्यक्ष, कल्पना राठीलाई सचिव, अर्चना तापडियालाई सहसचिव र ललिता राठीलाई कोषाध्यक्ष पदमा निर्वाचित गरेका छन् ।

पुनम राठीलाई महिला सशक्तिकरण सचिव, प्रिति अटललाई स्वास्थ्य सचिव, लिला काबरालाई सांस्कृतिक सचिव, संञ्जु बाहेतीलाई सांस्कृतिक सह सचिव र पुजा सोमानीलाई शिक्षा सचिवको जिम्मेवारी सुम्पिएको छ । बिन्दु अटल, प्रिती राठी, चन्दा तापडिया, एकता तापडिया, सरिता राठी, पुजा राठी, पुजा सादामी, मोनाली काबरा र स्नेहा लखोटिया कार्यसमितिका सदस्य रहेकी छिन् ।

माहेश्वरी समाज विराटनगरका अध्यक्ष उद्योगी घनश्याम काबरा र अखिल भारत वर्षिय माहेश्वरी महिला मञ्चका पूर्वाञ्चल उपाध्यक्ष गिरीजा सारडा मञ्चको साधारण सभामा विशिष्ट अतिथिको रुपमा सहभागिता जनाएका थिए ।