• चिरफार डटकम, विराटनगर ११७६  पटक हेरिएको

शनिबार, आषाढ २२, २०८१ समय : १८:३५:२३ , ५ महिना अगाडि

अतिथि सदन विराटनगरको अध्यक्षमा सुधिर तोदी निर्वाचित भएका छन् । शनिबार सम्पन्न निर्वाचनबाट सदनको १३औं कार्यसमिति अध्यक्ष पदमा तोदी निर्वाचित भएको हो । सदनमा पहिलो चरणमा कार्यसमिति सदस्य निर्वाचित हुने र दोस्रो चरणमा निर्वाचित सदस्यबाट बहुमतको आधारमा अध्यक्ष निर्वाचित हुने व्यवस्था छ ।

सदनमा विभिन्न ४ समूहबाट १६ जना र संरक्षक समितिबाट ११ गरी निर्वाचित २७ जनाले अध्यक्ष पदका लागि मतदान गरेका थिए । १६ मत प्राप्त गरी सुधिर तोदी अध्यक्ष पदमा निर्वाचित भएका छन् ।

११ मत प्राप्त गरेर सुशिल धनावत अध्यक्ष पदमा पराजित भएका छन् । नवनिर्वाचित अध्यक्ष तोदीले प्रथम उपाध्यक्षमा जितेन्द्रकुमार राठी, दोस्रो उपाध्यक्षमा अरुण सुराना, सचिवमा घनश्याम राठी, कोषाध्यक्षमा राम अवतार अग्रवाल, पहिलो सहसचिवमा श्यामसुन्दर अग्रवाल (डाबर) र दोस्रो सहसचिवमा निरञ्जन खेतानलाई मनोनयन गरेको छ ।