• ब्रह्मदेव यादव, विराटनगर १०३७  पटक हेरिएको

बुधबार, आषाढ १९, २०८१ समय : १४:५५:५० , ५ महिना अगाडि

विराटनगरको अरनिको कलेजमा कक्षा ११ को विज्ञान विषय अध्ययन गर्न ८ सय सिटका लागि २ हजार विद्यार्थीले प्रवेश परीक्षा दिएका छन् । केन्द्रबिन्दु अनलाइन मिडिया प्रा.लि. ले नेपाल भरी रहेका प्लस टु को वर्गीकरण गर्दा विराटनगरको अरनिको कलेज काठमाडौंका नाम चलेका प्रख्यात कलेज सहित देश भरीका कलेजलाई पछाडि छोड्दै ८औं स्थान प्राप्त गर्न सफल भएका छन् ।

तिनै नेपालका टप ८औं स्थानको विराटनगरको अरनिको कलेजमा कक्षा ११ तर्फ विज्ञान विषय अध्ययन गर्न बुधबार कलेज प्रशासनले लिएको प्रवेश परीक्षामा २ हजार विद्यार्थीले प्रवेश परीक्षा दिएका छन् । अरनिको कलेजका सञ्चालक तथा प्रिन्सिपल राजेश कार्कीले प्रवेश परीक्षा दिएका २ हजार मध्ये ८ सय विद्यार्थीको मात्रै भर्ना लिने जानकारी गराएको छ ।

प्रिन्सिपल कार्कीले चिरफार डटकम सँग कुरा गर्दै भने– अरनिको कलेज प्रति विश्वास गर्ने अभिभावक र विद्यार्थीलाई धन्यवाद ज्ञापन गर्न चाहन्छु । हामी प्रति गरेको विश्वासलाई कलेज प्रसाशनले डगमगाउन दिदैनौँ । साथै अरनिको कलेजले प्राप्त गरेको उचाईलाई अझै थप उचाइमा पुयाउन कडा मेहनत, परिश्रम र लगनशिलका साथ निरन्तरता दिन चाहन्छौँ ।

अरनिको कलेजमा प्रवेश परीक्षा दिएका विद्यार्थीहरूलाई एसईईको अङ्क र प्रवेश परीक्षामा पाएको अङ्कको आधारमा १० हजारदेखि १ लाख रुपैयाँसम्म छुट दिने प्रिन्सिपल कार्कीले बताए । अरनिको कलेजमा अध्ययन गरेका पूर्व दुई विद्यार्थी दिवस थापा र नीलहरि भण्डारी यतिखेर अमेरिकामा रहेका छन् । अरनिको कलेजमा कक्षा ११ को विज्ञान संकाय तर्फ अध्ययन गर्न आएका ३ जना विद्यार्थीलाई थापा र भण्डारीले पूर्ण छात्रवृत्ति प्रदान गर्ने प्रिन्सिपल कार्कीले बताए ।

थापाले २ जना र भण्डारीले १ जना विद्यार्थीलाई पूर्ण छात्रवृत्तिमा अध्ययन गराउने छन् । थापाको खर्चमा २ जना गरिब जेहनदार विद्यार्थी र भण्डारीको खर्चमा सरकारी स्कुलबाट अध्ययन गरेर आएका १ जना विद्यार्थीले निःशुल्क रुपमा अरनिको कलेजमा पढ्न पाउने छन् । कलेजमा भर्ना हुने विद्यार्थीहरूलाई साउन ३ गते अभिभुखिकरण कार्यक्रम राखिएको छ । साउन ६ गतेदेखि कक्षा ११ को पठन पाठन सुरु हुने प्रिन्सिपल कार्कीले बताए ।