• चिरफार डटकम, विराटनगर ७५२  पटक हेरिएको

बिहिबार, जेठ १७, २०८१ समय : १८:२१:०१ , ६ महिना अगाडि

विराट व्यापार संघले विहीबारदेखि विराटनगरको २ स्थानबाट पिउने पानी वितरण गर्न थालेका छन् । संघले विराटनगरको बिजुली अफिस चौक र शनि मन्दिर चौकबाट एक साथ जारको पिउने पानी वितरण गर्न थालेको हो । विराट व्यापार संघको केन्द्रिय कार्यालय विराटनगरमा रहेका छन् । र अंशु बंजाराले अध्यक्षको रुपमा संघमा नेतृत्व गरिरहेका छन् ।

विराटनगरको गर्मीलाई ध्यानमा राखेर बाटो हिड्ने जो कोही सर्वसाधारणलाई सितलता प्रदान गर्ने उद्देश्यका साथ संघका अध्यक्ष बंजाराको टिमले पिउने पानी वितरण अभियान थालेको हो । संघका निवर्तमान अध्यक्ष नरेश खत्री अघिल्लो वर्ष अध्यक्ष रहेको समयमा गर्मीको बेला पिउने पानी वितरण अभियान सुरु गरेका थिए । जुन कार्यलाई अहिलेका अध्यक्ष बंजारा नेतृत्वको टिमले निरन्तरता दिएको हो ।

संघका उपाध्यक्ष शरद श्रेष्ठ, सरस्वती ओझा, महिला उद्यम समिति अध्यक्ष सम्झनाकुमारी पौडेल, कोषाध्यक्ष सोनु गुरुङ, सहकोषाध्यक्ष अशोक पौदार, संघका कार्यकारी अधिकृत धरणीधर निरौला, अधिकृत कृष्णा गौतमले पिउने पानी वितरण अभियानको शुभारम्भ गरेका थिए ।