• चिरफार डटकम, विराटनगर ६१९  पटक हेरिएको

आइतबार, बैशाख १६, २०८१ समय : १८:०५:०३ , ७ महिना अगाडि

विराटनगरमा राष्ट्रिय स्तरको टि–टेन क्रिकेट प्रतियोगिताको आयोजना हुन लागेको छ । २०८१ साल जेठ १२ देखि १९ गतेसम्म विराटनगर–६ स्थित ज्वाला क्रिकेट मैदानमा डे नाइट क्रिकेट प्रतियोगिता सञ्चालन हुनेछ । विराटनगर महानगरपालिकाको वडा नं. ६ ले १० ओभरको राष्ट्रिय स्तरको क्रिकेट प्रतियोगिताको आयोजना गर्न लागेको हो ।

विराटनगर–६ का वडाध्यक्ष हरिषचन्द्र सहनी (अक्षय) ले आइतबार पत्रकार सम्मेलन गरेर राष्ट्रिय स्तरको क्रिकेट प्रतियोगिताको लागि ७ लाख रुपैयाँ विनियोजन गरिएको बताए । क्रिकेट प्रतियोगिता सम्पन्न गर्न १५ लाख भन्दा बढि रकम खर्च हुने र बाँकी रकम कोशी प्रदेश सरकारको सहयोग सहित विज्ञापन दाताबाट संकलन गर्ने बताए । प्रतियोगिताको विजेताले ५ लाख, उपविजेताले २ लाख रुपैयाँ नगद सहित शिल्ड प्राप्त गर्नेछन् ।

प्रतियोगितामा तेस्रो स्थान प्राप्त गर्नेले १ लाख, चौथो स्थान प्राप्त गर्नेले ५० हजार, प्रतियोगिताको म्यान अफ द सिरिज घोषित टिमले २५ हजार र प्रत्येक दिन म्यान अफ दि म्याच घोषित हुने खेलाडीलाई ३ हजार रुपैयाँ पुरस्कार प्राप्त गर्ने बताए । प्रतियोगितामा नेपाल अधिराज्य भरीका ८ टिमको सहभागिता रहने छ । विराटनगर–६ नं. वडा कार्यालयले महिला जनप्रतिनिधि निर्मला कार्कीलाई प्रतियोगिताको सम्पर्क अधिकारी तोकेको छ ।