- चिरफार डटकम, विराटनगर ५६४ पटक हेरिएको
शुक्रबार, चैत्र ०९, २०८० समय : १३:३९:५२ , ८ महिना अगाडि
पत्रकार सुशिला पाठक ११ हजार राशीको झिलकुमारी स्मृति पत्रकारिता पुरस्कारबाट पुरस्कृत भएकी छिन् । मोरङको ग्रामथान गाउँपालिका वडा नं. २ स्थित नारदमुनी–पवित्रादेवी लुईटेल स्मृति कोष अन्तर्गत स्थापना भएको झिलकुमारी स्मृती पत्रकारिता पुरस्कारबाट पाठक पुरस्कृत भएका हुन् ।
कान्तिपुर टेलिभिजनमा विराटनगर समाचार दाताको रुपमा कर्यरत पाठकलाई शुक्रबार कोशी प्रदेशका मुख्यमन्त्री केदार कार्की र कोषका संरक्षक पत्रकार शंकर लुईटेलले पुरस्कार प्रदान गरेका थिए । यस अघि पत्रकार अभयकुमार राई र विनोद सुवेदी झिलकुमारी स्मृति पत्रकारिता पुरस्कारबाट पुरस्कृत भई सकेका छन् ।
