- चिरफार डटकम, विराटनगर ३७२ पटक हेरिएको
आइतबार, माघ २१, २०८० समय : १६:३५:५४ , १० महिना अगाडि
किशोरबहादुर शाही विराट गोल्डकप फुटबल ट्रष्टको अध्यक्ष पदमा निर्वाचित भएका छन् । शनिबार विराटनगरमा सम्पन्न ट्रष्टको साधारण सभाले शाहीलाई सर्वसम्मत रुपमा अध्यक्ष पदमा निर्वाचित गरेका छन् । शाही यस अघि ट्रष्टको कार्यवाहक अध्यक्षको रुपमा काम गरी रहेका थिए ।
साधारण सभाबाट किशोर तिम्सिना उपाध्यक्ष, बिनेश बस्नेत महासचिव, ध्रुवप्रसाद सिग्देल सचिव, अनुज बानिया कोषाध्यक्ष र बिमलराज भण्डारी सहकोषाध्यक्ष पदमा निर्वाचित भएका छन् ।
शंकर खरेल, मधुसुदन खनाल, कुमार महर्जन, राजेश हमाल ठकुरी, धनकुमार लामा, किरण गिरी, अरुण लामा र मदन काफ्ले ट्रष्टका सदस्य रहेका छन् । विराट गोल्डकप ट्रष्टले प्रत्येक २/२ वर्षमा विराटनगरमा विराट गोल्डकप फुटबल प्रतियोगिताको आयोजना गर्ने गरेका छन् ।
