- चिरफार डटकम, विराटनगर ७१३ पटक हेरिएको
शुक्रबार, माघ १२, २०८० समय : १६:५०:२९ , १० महिना अगाडि
विराटनगर भन्सार कार्यालयले ७२औं अन्तर्राष्ट्रिय भन्सार दिवसको अवसरमा उत्कृष्ट आयात–निर्यात कर्तालाई सम्मान गरेका छन् । सरकारी स्वामित्वको नेपाल आयात निगमलाई उत्कृष्ट आयात कर्ता र गोल्याण समुहको रिलायन्स स्पेरिङ्ग उद्योगलाई उत्कृष्ट निर्यात कर्ताको अवार्ड प्रदान गरिएको छ । भन्सार एजेन्ट नारायण रेग्मीलाई उत्कृष्ट भन्सार एजेन्टको अवार्ड प्रदान गर्दै सम्मान गरिएको छ ।
कार्यक्रमका प्रमुख अतिथि मोरङका प्रमुख जिल्ला अधिकारी प्रेमप्रसाद भट्टराई, नेपाल प्रहरीका कोशी प्रदेश प्रमुख डिआइजी चन्द्र कुवेर खापुङ, विराटनगर भन्सार कार्यालयका प्रमुख भन्सार अधिकृत ज्ञानेन्द्रराज ढकाल, नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउत, नेपाल उद्योग परिसंघ (सी.एन.आई.) कोशी प्रदेश अध्यक्ष पवनकुमार सारडा, मोरङ व्यापार संघका अध्यक्ष नविन रिजाल, उद्योग संगठन मोरङका अध्यक्ष राकेश सुराना र विराटनगर भन्सार एजेन्ट संघका अध्यक्ष देवकीनन्दन शर्माले उत्कृष्ट आयात–निर्यात कर्ता र उत्कृष्ट भन्सार एजेन्टलाई अवार्ड प्रदान गर्दै सम्मान गरेका थिए ।
