• ब्रह्मदेव यादव, विराटनगर ६८८  पटक हेरिएको

बिहिबार, पुष ०५, २०८० समय : १८:०७:५२ , ११ महिना अगाडि

नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल (प्रचण्ड) कान्छी छोरी गंगा दाहालको विराटनगर स्थित घरमा बिहीबार रातीको बसाई बसेका छन् । प्रधानमन्त्री दाहाल शुक्रबार मोरङ व्यापार संघले विराटनगरमा आयोजना गरेको ११ दिने मोरङ व्यापार संघ एक्स्पो २०२३ को उद्घाटन गर्न बिहीबार साँझ विराटनगर आइपुगेको हो । प्रधानमन्त्री दाहालका कान्छी छोरी गंगा दाहालको श्रीमानको नाम जीवन आचार्य हो ।

आचार्य नेकपा माओवादी केन्द्रको तर्फबाट कोशी प्रदेशका सांसद रहेका छन् । यस अघि आचार्य नेकपा एमाले कोशी प्रदेश संसदीय दलका नेता हिक्मतकुमार कार्की नेतृत्वको सरकारमा पर्यटन, वन, तथा वातावरण मन्त्री थिए । मोरङको बुढीगंगा गाउँपालिका अन्तर्गत डंग्राहामा पूखौली घर भएको आचार्य विराटनगर–३ मा बसोवास गरी रहेका थिए ।

विराटनगर–३ को पुरानो घर बिक्री गरेर आचार्यले विराटनगर–१ स्थित चन्द्र शिव राइस मिल नजिक नमुना चोकमा नयाँ घर बनाएका छन् । छोरी ज्वाईको त्यही नयाँ घरमा प्रधानमन्त्री प्रचण्ड बसेका छन् ।