- चिरफार डटकम, विराटनगर ३७६ पटक हेरिएको
आइतबार, मंसिर २४, २०८० समय : १७:३७:०९ , १२ महिना अगाडि
विराटनगरको अमाही मार्ट सोरुमबाट सुजुकी ब्राण्डको मोटरसाइकल र स्कुटीको बिक्री सुरु भएको छ । विराटनगर–५ स्थित मुनालपथ मार्गमा अमाही मार्टले सुजुकी ब्राण्डको मोटरसाइकल र स्कुटीको बिक्री गर्न सोरुम संचालनमा ल्याएको छ । संघीय सांसद योगेन्द्रप्रसाद मण्डलले आइतबार एक भव्य समारोहका बिच अमाही मार्ट सोरुमको उद्घाटन गरेको हो ।
भिजी अटोमोबाइल्स सुजुकी टु ह्वीलर्सको आधिकारिक बिक्रेता हो । र उही आधिकारिक बिक्रेता मार्फत अमाही मार्टले विराटनगर क्षेत्रमा सुजुकी ब्राण्डको मोटरसाइकल र स्कुटी बिक्री वितरणका लागि सोरुम संचालनमा ल्याएको हो । सोरुम उद्घाटन समारोहमा भी.जी. अटोमोबाइल्सका महाप्रबन्धक धिरज भट्टराईले सेल्स र सर्भिसलाई कम्पनीले ध्यानमा राखेर सुजुकी मोटरसाइकल र स्कुटी बिक्री गरी रहेको बताए ।
कम्पनीले सुजुकी ग्राहकका लागि स्पेयर्स पाट्स र सहज सर्भिसको सुविधा प्रदान गर्ने घोषणा गरेका छन् । अमाही मार्ट सोरुमबाट कम्पनीले कुनै पनि पुरानो मोटरसाइकल र स्कुटी एक्सचेन्ज गरी नयाँ मोटरसाइकल र स्कुटी खरीद गर्दा आकर्षक छुट दिने व्यवसथा गरेको छ ।
