• चिरफार डटकम, विराटनगर १०७७  पटक हेरिएको

मंगलबार, कार्तिक २८, २०८० समय : १७:२६:३२ , १ वर्ष अगाडि

विराटनगरका प्रतिष्ठित उद्योगी पारस लुनिया काठमाडौंमा सम्मानित भएका छन् । नेपाली क्रिकेट टिमका पूर्व राष्ट्रिय खेलाडी एवं उद्योगी पारस लुनियाले खेलकुद क्षेत्रबाट नेपाल र नेपालीको गौरवलाई विश्वसामु चिनाउन महत्वपूर्ण योगदान गरेको र उनको योगदानको कदर गर्दै मारवाडी सेवा समिति काठमाडौँले उद्योगी लुनियालाई सम्मान गरेको हो ।

मारवाडी सेवा समितिले मंगलबार काठमाडौंमा आयोजना गरेको कार्यक्रममा मारवाडी परिषद्का राष्ट्रिय अध्यक्ष उद्योगी पवन मित्तल लगायतका पदाधिकारी र मारवाडी अगुवाहरूले उद्योगी लुनियालाई सम्मान गरेको हो । उद्योगी लुनिया उद्योग संगठन मोरङका कार्यकारिणी सदस्य र महालक्ष्मी केवल प्रा.लि. का प्रबन्ध निर्देशक हुन् ।