• चिरफार डटकम, विराटनगर ४४१  पटक हेरिएको

शनिबार, कार्तिक २५, २०८० समय : १३:१२:३६ , १ वर्ष अगाडि

विराट गोल्डकप ट्रस्टले शनिबार विराटनगरमा चाडपर्व लक्षित शुभकामना आदानप्रदान कार्यक्रम गरेको छ । विराट गोल्डकप ट्रस्टको इतिहासमा यो नै पहिलो चाडपर्व लक्षित शुभकामना आदानप्रदान कार्यक्रम हो । करिब १ महिना अघि किशोरबहादुर शाहीले ट्रस्टको कार्यवाहक अध्यक्षको जिम्मेवारी सम्हालेपछि नेपालीहरूको महान चाडपर्व शुभ–दीपावली, नेपाल संवत् ११४४ र छठ पर्वको अवसर पारेर शुभकामना आदानप्रदान कार्यक्रम आयोजना गरेको हो ।

नेपाली कांग्रेसका केन्द्रिय सदस्य तथा कोशी प्रदेश सभा सदस्य अमृत अर्याल कार्यक्रमको प्रमुख अतिथि थिए । नेकपा एकीकृत समाजवादीका केन्द्रिय सदस्य महेश रेग्मी कार्यक्रमका विशिष्ट अतिथि थिए । कार्यक्रममा ट्रस्टका अध्यक्ष सन्तोष बानिया, पूर्वअध्यक्ष भीमबहादुर कुवर, ट्रस्टका महासचिव विनेश बस्नेत, कोशी प्रदेश खेलकुद विकास बोर्डका सदस्य प्रदिप भगत, एन्फाका बसन्तराज अर्याल लगायत विभिन्न राजनैतिक दलका नेताहरूको कार्यक्रममा सहभागिता रहेको थियो ।

विराट गोल्डकप ट्रस्टका कार्यवाहक अध्यक्ष किशोरबहादुर शाहीले कार्यक्रममा उपस्थित अतिथि पाहुनाहरूलाई स्वागत गर्दै ट्रस्ट ग्रास रुटबाट फुटबलका खेलाडी उत्पादनमा अघि बढेको बताए ।