• चिरफार डटकम, विराटनगर ५२१  पटक हेरिएको

शुक्रबार, कार्तिक २४, २०८० समय : १६:१०:२० , १ वर्ष अगाडि

नेकपा एमाले निकट प्रेस चौतारी नेपाल मोरङले शुक्रबार विराटनगरमा आयोजना गरेको चाडपर्व लक्षित शुभकामना आदानप्रदान कार्यक्रममा पत्रकार रामचन्द्र अधिकारी र वहाँका श्रीमती कल्पना तिम्सिना अधिकारीको जोडीले नृत्यमा उत्कृष्ट स्थान हासिल गरेका छन् । प्रेस चौतारी नेपाल मोरङले शुभ–दीपावलीको अवसर पारेर आयोजना गरेको शुभकामना आदानप्रदान तथा चियापान कार्यक्रममा नेता र पत्रकारहरूको जोडीले फरक फरक गीतमा नृत्य प्रस्तुत गरेका थिए ।

एक दर्जन भन्दा बढि नेता र पत्रकारहरूको जोडीलाई पछाडि पार्दै पत्रकार रामचन्द्र अधिकारी र वहाँका श्रीमती कल्पना तिम्सिना अधिकारीको जोडीले प्रथम स्थान हासिल गर्न सफल भएको हो । नेकपा एमालेका नेता विनोद ढकालले पत्रकार रामचन्द्र अधिकारी दम्पत्तिको जोडीलाई नगद १ हजार रुपैयाँ पुरस्कार प्रदान गरेका थिए । प्रेस चौतारी नेपालका केन्द्रिय सचिव पत्रकार विक्रम लुईंटेलको निर्णायक समितिले पत्रकार अधिकारी दम्पत्तिलाई उत्कृष्ट जोडी घोषणा गरेका थिए ।

कार्यक्रममा नेकपा एमालेका केन्द्रिय सदस्य जीवन घिमिरे र रामलाल साह पत्रकार रामचन्द्र अधिकारी, विक्रम लुईंटेल, नरेन्द्र दाहाल, पुष्पराज थपलिया, किशोर बुढाथोकीको जोडीले विभिन्न गीतमा नृत्य प्रस्तुत गरेका थिए । कार्यक्रममा नेकपा एमाले स्थायी समिति सदस्य डा. शिवमाया तुम्हाम्फे, केन्द्रिय सदस्य जीवन घिमिरे र रामलाल साह, एमाले नेता विनोद ढकाल, एमाले विराटनगर महानगर कमिटी इन्चार्ज सागर थापा, युवा नेता मुकेश बुढाथोकी, पार्टी नेता अरुण राठी लगायतका नेता तथा कार्यकर्ताहरूको सहभागिता रहेको थियो ।

प्रेस चौतारी नेपाल मोरङका अध्यक्ष सुदिप कोइरालाले कार्यक्रममा सहभागि अतिथि एवं पाहुनाहरूलाई स्वागत गरेका थिए ।