• चिरफार डटकम, विराटनगर ५३७  पटक हेरिएको

आइतबार, आश्विन २१, २०८० समय : १३:१६:१२ , १ वर्ष अगाडि

माहेश्वरी महिला मञ्च विराटनगरले ७० जना विद्यार्थीहरूको दन्त परिक्षण गराएका छन् । विद्यार्थी सँगै विद्यालयका शिक्षक शिक्षिकाहरुले पनि दन्त परिक्षण गराएका थिए । मञ्चले विराटनगर–१, परोपकार घाटमा रहेको सयपत्री आधारभूत विद्यालयमै दन्त परिक्षण शिविरको आयोजना गरेर ७० जना भन्दा बढि विद्यार्थीहरूको दन्त परिक्षण गराएको हो । दन्तरोग विशेषज्ञ डा. दीपेन्द्र नौलखा र डा. नुतन नौखलाले विद्यार्थीहरुको दन्त परिक्षण गरेका थिए ।

माहेश्वरी महिला मञ्च विराटनगरका अध्यक्ष पुनम राठी, कार्यक्रम संयोजिका विन्दु अटल लगायत मञ्चका पदाधिकारीहरूले दन्त शिविरमा दन्त परिक्षण गराएका विद्यार्थीहरूलाई डेन्टल किड्स वितरण गरेका थिए । कार्यक्रममा माहेश्वरी समाजका घनश्याम राठी, बजरंग बाहेती, विवेक राठी, अजय राठी, सुरेश परतानी, अमिता पेडिवालको सहभागिता रहेको थियो ।