• चिरफार डटकम, विराटनगर ३५९  पटक हेरिएको

बिहिबार, आश्विन ११, २०८० समय : १७:४९:२४ , १ वर्ष अगाडि

नेकपा एमाले कोशी प्रदेश कमिटीको प्रथम अधिवेशन शुक्रबारदेखि विराटनगरमा सुरु हुँदैछ । असोज १२ गते शुक्रबारदेखि सुरु हुने अधिवेशन १४ गतेसम्म चल्नेछ । एमालेले बिहीबार विराटनगरमा पत्रकार सम्मेलन गरेर अधिवेशनको सम्पूर्ण तयारी पुरा भएको जानकारी गराएको छ । अधिवेशनमा १ हजार ५० जना प्रतिनिधिहरूले सहभागिता जनाउँदै छ । २ सय १५ जनाको कार्यसमिति गठन गरेर अधिवेशनको समापन हुनेछ ।

सर्वसम्मत रुपमा प्रदेश कमिटीको गठन नभए असोज १४ गतेसम्म अधिवेशन सम्पन्न गर्ने तयारीका साथ अगाडि बढेको एमालेका केन्द्रिय सचिव तथा कोशी प्रदेश इन्चार्ज रघुवीर महासेठले जानकारी गराएको छ । विराटनगरको बरगाछी स्थित होटल मनास्लु ईनमा असोज १२ गते शुक्रबार कोशी प्रदेश अधिवेशनको उद्घाटनको कार्यक्रम रहेको छ । नेकपा एमालेका अध्यक्ष के.पी. शर्मा ओलीले अधिवेशनको उद्घाटन गर्ने कार्यक्रम रहेको छ ।