• चिरफार डटकम, विराटनगर ५७२  पटक हेरिएको

आइतबार, आश्विन ०७, २०८० समय : १६:५१:५९ , १ वर्ष अगाडि

नेपालीहरूको महान चाड पर्व विजया दशमीको अवसर पारेर मनोरञ्जन प्रदान गर्ने उद्देश्यका साथ विराटनगरमा ७ दिने दशैँ फुड फेस्टिवलको आयोजना गर्न लागेको हो । मञ्जिना मुभिज क्रिएसन र भाजु युवराज फाउण्डेसनले आयोजना गर्न लागेको हो । मञ्जिना मुभिज क्रिएसनको तर्फबाट जतिन ताम्राकार र भाजु युवराज फाउण्डेसनको तर्फबाट यूनेशराज श्रेष्ठले आइतबार पत्रकार सम्मेलन गरेर असोज २८ देखि कार्तिक ४ गतेसम्म विराटनगरको हिमालय रोडमा दशैँ फुड फेस्टिवलको आयोजना गर्न लागेको जानकारी गराए ।

विराटनगर महानगरपालिकाले काठमाडौं सहित देशको विभिन्न भागबाट विजया दशमीको टिका लगाउन विराटनगर आउँने जोकोहीलाई मनोरञ्जन प्रदान गर्ने हिमालय रोडको सडकमा दशैँ फुड फेस्टिवल आयोजना गर्न मञ्जिना मुभिज क्रिएसन र भाजु युवराज फाउण्डेसनलाई ठाउँ उपलब्ध गराएको हो । दशैँ फुड फेस्टिवलमा नेवारी, मारवाडी, थारू लगायत विभिन्न जातका २० देखि २५ वटा जातीय परिकारको खानाको स्टल रहने पत्रकार सम्मेलनमा जानकारी गराइएको छ ।

फेस्टिवलको अवधि भरी राष्ट्रिय कलाकारहरूले गीत प्रस्तुती गर्ने कार्यक्रम तय गरिएको छ । दशैँ कार्निभल फुड फेस्टिवल २०८० सम्पन्न गर्न ३१ लाख भन्दा बढि रकम खर्च हुने आयोजकले जानकारी गराएका छन् ।