• ब्रह्मदेव यादव, विराटनगर ४४१  पटक हेरिएको

शुक्रबार, भाद्र ०८, २०८० समय : १६:३६:१४ , १ वर्ष अगाडि

उद्योग संगठन मोरङका दुई उच्चपदस्थ पदाधिकारीले नेपाली लुब्रिकेन्टस् उत्पादन संघको नेतृत्व सम्हालेका छन् । संगठनका कोषाध्यक्ष सुबोध कोइरालाले नेपाली लुब्रिकेन्टस् उत्पादन संघको अध्यक्ष र संगठनका उपाध्यक्ष भोलेश्वर दुलाल (भोला) ले उत्पादन संघको उपाध्यक्ष पदको नेतृत्व लिएको हो । अध्यक्ष कोइरालाल फुजिमा आयल कम्पनी लि. र उपाध्यक्ष दुलाल पूर्वाञ्चल ल्यूव आयल लि. का संचालक हुन् ।

नेपाली लुब्रिकेन्टस् उत्पादक संघको भाद्र ४ गते काठमाडौंमा सम्पन्न प्रथम साधारण सभाले कोइरालाको अध्यक्षतामा समिति गठन गरेको हो । भरत फुयाल महासचिव र प्रकाश मारुले कोषाध्यक्ष पदको जिम्मेवारी पाएका छन् । गंगाराज भट्टराई, कविकुमार टिबडेवाल र हरिप्रसाद कोइराला समितिका सदस्य रहेको छन् ।
अध्यक्ष कोइरालाले व्यवसायीक हकहितको रक्षा र आफ्ना मागहरु सरकारसँग पु¥याएर समाधान खोज्ने उद्देश्यका साथ समिति गठन गरेको बताए ।