• ... ७३०  पटक हेरिएको

बिहिबार, पुष २८, २०७९ समय : १५:४७:५३ , २ वर्ष अगाडि

• चिरफार डटकम, विराटनगर

७ लाख ९ हजार सहित हुण्डी कारोबारी रविप्रकाश साह मंगलबार विराटनगरबाट पक्राउ परेका छन् । विराटनगर १८ घर भएका ३६ बर्षे साहलाई जिल्ला प्रहरी कार्यालय मोरङको विशेष प्रहरी टोलीले विराटनगरको मेनरोडबाट पक्राउ गरेका थिए ।

जिल्ला प्रहरी कार्यालय मोरङका प्रमुख प्रहरी उपरिक्षक शान्तिराज कोइरालाले ७ लाख ९ हजार नगद सहित साहलाई पक्राउ गरेको बताए । प्रहरी उपरिक्षक कोइरालाले साहको साथबाट ६ लाख ९ हजार र उनको कोठाबाट १ लाख गरी ७ लाख ९ हजार रुपैयाँ बरामत भएको बताए ।

साह विगत लामो समयदेखि हुण्डी कारोबारमा संलग्न रहेकोले मोरङ प्रहरीले उनलाई निगरानीमा राखेको थियो । साहले अघिल्ले दिन विभिन्न बैंकमा ६२ लाख ११ हजार रुपैयाँ डिपोजिट गरेको प्रहरी अनुसन्धाबाट खुलेको छ ।

साहको साथबाट विभिन्न बैंकको १४ थान एटिएम कार्ड, ९ थान बैंको चेक बुक र २ वटा काटिएको चेक फेलापरेकोले थप अनुसन्धान भईरहेको कोइरालाले बताए ।