- चिरफार डटकम, विराटनगर ४०१ पटक हेरिएको
बुधबार, आषाढ २७, २०८० समय : १५:३९:३५ , १ वर्ष अगाडि
गोपाल कटुवाल राष्ट्रिय प्रजातन्त्र पार्टी मोरङको अध्यक्ष पदको जिम्मेवारी पाएका छन् । राष्ट्रिय प्रजातन्त्र पार्टीको केन्द्रिय सम्पादन समितिको बैठकले पार्टीका वरिष्ठ नेता कटुवाललाई मोरङ जिल्ला अध्यक्ष पदको जिम्मेवारी सुम्पिएको हो ।
राप्रपाका केन्द्रिय अध्यक्ष राजेन्द्र लिङ्देनले ६ महिना भित्र मोरङमा जिल्ला अधिवेश गराउने गरी कटुवाललाई अध्यक्ष पदको जिम्मेवारी सुम्पिएको पार्टीका केन्द्रिय सहप्रवत्ता दिनेश कुमार साहले जानकारी गराए ।
केही समय अगाडी पार्टीले लामो समयदेखि पार्टीको मोरङ जिल्ला अध्यक्ष पदको जिम्मेवारी सम्हालि रहेका माधव प्रसाद आचार्यलाई पदबाट हटाएका थिए । रित्त रहेको मोरङ जिल्ला अध्यक्ष पद कटुवाललाई जिम्मा लगाएको हो । नेकपा माओवादी केन्द्रबाट राप्रपामा प्रवेश गरेका कटुवाल जनाधार भएको नेताको रुपमा चिनिन्छ ।
