• चिरफार डटकम, विराटनगर ८१२  पटक हेरिएको

शुक्रबार, आषाढ ०८, २०८० समय : १८:५८:४५ , १ वर्ष अगाडि

विराटनगर भन्सार एजेन्ट संघका अध्यक्ष देवकीनन्दन शर्माले पुनः अध्यक्ष पदमा निरन्तरता दिने घोषणा गरेका छन् । विराटनगर भन्सार एजेन्ट संघको शनिबार बिग होटलमा ११औं वार्षिक साधारण सभा एवं ५औं अधिवेशन हुँदैछ ।

विराटनगर भन्सार कार्यालयको प्रमुख भन्सार अधिकृत ज्ञानेन्द्रराज ढकालले प्रमुख अतिथिको रुपमा ११औं वार्षिक साधारण सभा एवं ५औं अधिवेशनको उद्घाटन गर्ने कार्यक्रम रहेको छ । विराटनगर भन्सार कार्यालयमा पुराना र नयाँ गरेर ६३ जना भन्सार एजेन्ट संघको संदस्य रहेका छन् । र ति सबै एजेन्टले ५औं अधिवेशनमा मतदान गर्न पाउँने अख्तियारी प्राप्त गरेका छन् ।

संघको ४औं अधिवेशनबाट शर्मा अध्यक्षमा निर्वाचित भएका थिए । र उनले पुनः ५औं अधिवेशमा अध्यक्ष पदमा निरन्तरता दिने घोषणा गरेका छन् । शुक्रबार चिरफार डटकम सँग कुरा गर्दै अध्यक्ष शर्माले भनेः मैले एजेन्टहरुको हक हितकोलागि राम्रो काम गरेको छु ।

पुराना र नयाँ दुवै एजेन्टलाई मिलाएर अगाडी बढ्ने जिम्मेवारी पनि निर्वाह गरेको छु । त्यस कारण पुनः म एक पटक अध्यक्ष पदमा निरन्तरता दिन्छु ।