- चिरफार डटकम, विराटनगर ८६५ पटक हेरिएको
आइतबार, जेठ २१, २०८० समय : १३:२०:०८ , १ वर्ष अगाडि
अतिथि सदन विराटनगरले शनिबार मोरङको दुई बेग्लाबेग्लै एक्कल विद्यालयमा अध्ययनरत तीन सय भन्दा बढि विद्यार्थीहरुलाई पाठ्यसामग्री विरतरण गरेका छन् । सदले २०८० साल असार १६ गते भव्य एवम् ऐतिहासिक रुपमा मनाउन लागेको स्वर्ण जयन्ती महोत्सवको अवसरमा मोरङको ग्रामथान गाउँपालिकाको झोराहाट र बुढिगंगा गाउँपालिकाको हात्तिमुडाको एक्कल विद्यालयमा अध्ययनरत तीन सय भन्दा बढि विद्यार्थीहरुलाई पाठ्यसामग्री वितरण गरिएको हो ।
सदनले व्यवस्थित रुपमा पाठ्यसामग्री वितरण गर्न सदनका उपाध्यक्ष सुधिर तोदीलाई संयोजकको जिम्मेवारी तोकेको थियो । र तोदीले पाएको जिम्मेवारीलाई सफलतापूर्वक सम्पन्न गरेका छन् ।
सदनका अध्यक्ष दिनेश गोल्छा पूर्वअध्यक्ष नन्दकिशोर राठी उपाध्यक्ष जितेन्द्रकुमार राठी, सचिव ललित लोहिया, कोषाध्यक्ष घनश्याम राठी, सहितका पदाधिकारीहरुले मोरङको दुवै ग्रामिण क्षेत्रकै विद्यालयमा पुगेर विद्यार्थीहरुलाई पाठ्यसामग्री वितरण गरेका थिए ।
