- चिरफार डटकम, विराटनगर ५५९ पटक हेरिएको
शनिबार, जेठ २०, २०८० समय : ११:०५:४३ , १ वर्ष अगाडि
जनता समाजवादी पार्टी नेपालका अध्यक्ष पूर्वउपप्रधानमन्त्री एवं प्रतिनिधि सभाका सांसद उपेन्द्र यादवलाई दुर्गा भगवती शक्तिपिठ विराटनगरले सम्मान गरेको छ । जसपा अध्यक्ष यादव प्रतिनिधि सभाको उपनिर्वाचनमा बारा जिल्लाको निर्वाचन क्षेत्र नं. २ बाट प्रतिनिधि सभा सदस्यमा निर्वाचित भएका हुन् । यादवको गृहनगर विराटनगर–१० स्थित आफ्नै वडामा रहेको दुर्गा भगवती शक्तिपिठले शनिबार सम्मान गरेको हो ।
दुर्गा भगवती शक्तिपिठ विराटनगर–१० का अध्यक्ष तथा प्रध्यापक डा. प्रकाश यादवले जसपा अध्यक्ष उपेन्द्र यादवलाई मायाको चिनो उपहार दिएर सम्मान गरेको हो । जसपा अध्यक्ष उप्रेन्द्र यादव, नेकपा एमाले केन्द्रिय सदस्य तथा कोशी प्रदेश सरकारका पूर्व सामाजिक विकास मन्त्री जीवन घिमिरे, जसपा नेपालका केन्द्रिय सदस्य तथा कोशी प्रदेश सरकारका पूर्व स्वास्थ्य मन्त्री जयराम यादवले दुर्गा भगवती शक्तिपिठ विराटनगर–१० को भवन निर्माणकालागि सहयोग गर्ने दाताहरुलाई सम्मान–पत्र प्रदान गरेका छन् ।
दुर्गा भगवती शक्तिपिठ भवन निर्माणकालागि जसपा अध्यक्ष उपेन्द्र यादवले सहयोग गरेका छन् । र शक्तिपिठले उपेन्द्र यादव र वहाँका श्रीमती पार्वती यादवलाई सम्मान पत्र प्रदान गरेका छन् । दुर्गा भगवती शक्तिपिठ विराटनगरका अध्यक्ष प्रा.डा. प्रकाश यादवले २ करोडको लागतमा शक्तिपिठको भवन निर्माण भईरहेको बताए । ५ वर्षभित्र शक्तिपिठको निर्माण कार्य सम्पन्न गर्ने लक्ष्य रहेको डा. यादवले बताए । शक्तिपिठको निर्माण कार्य सुरु भएको १ वर्ष वितेको छ ।
