• चिरफार डटकम, विराटनगर ४२२  पटक हेरिएको

बुधबार, बैशाख २०, २०८० समय : १६:४४:५७ , २ वर्ष अगाडि

श्री कृष्ण सेक्यूरिटिज लिमिटेडले विराटनगरमा शाखा कार्यालय सञ्चालनमा ल्याएको छ । विराटनगर–२ तीनपैनी स्थित सिटि सिनेमा हल नजिक कम्पनीले शाखा कार्यालय सञ्चालनमा ल्याएको हो । कम्पनीले २८ बर्षअघी काठमाडौंमा केन्द्रिय कार्यालय स्थापना गरेर शेयर कारोबार गरिरहेका थिए ।

७ बर्षअघि कम्पनीले विराटनगर–२ स्थित विराटनगर महानगरपालिकाको उत्तर तर्फ शंकरलाल अग्रवाल र विनित अग्रवाललाई शाखा कार्यालय सञ्चालन गर्न अनुमति दिएको थियो । र बुधबारदेखि कम्पनीले विराटनगरमा आफै शाखा कार्यालय सञ्चालन गर्ने निर्णय गर्दै शाखा कार्यालय सञ्चालनमा ल्याएको छ ।

कम्पनीका अध्यक्ष नन्दकिशोर मुन्दडाले यस अघि शाखा कार्यालयमा कारोबार गरिरहेका सम्पूर्ण शेयर सदस्यहरुको फाइल विराटनगरको नयाँ कार्यालयमा हस्तान्तरण भएको बताए । कम्पनीसँग ८० हजार शेयर सदस्यहरु रहेका छन् । कम्पनीले अघिलल्लो बर्ष ७० अर्ब रुपैयाँको कारोबार गरेको थियो ।