• ... ६२९  पटक हेरिएको

बुधबार, फाल्गुण ०३, २०७९ समय : १५:४७:०२ , २ वर्ष अगाडि

• चिरफार डटकम, विराटनगर

विष्णु शर्मा आचार्य गैर सरकारी संस्था महासंघ नेपाल जिल्ला शाखा मोरङको अध्यक्ष पदको जिम्मेवारी सम्हाल्नु भएको छ । गैर सरकारी संस्था नेपाल जिल्ला शाखा मोरङको बुधबार विराटनगरमा भएको १८औं वार्षिक साधारण सभाले शर्मालाई सर्वसम्वत अध्यक्ष पदको जिम्मेवारी सुम्पिएको छ ।

यस अघि शर्मा ६ महिनाभन्दा बढि सयमदेखि कार्यवाहक अध्यक्ष पदको जिम्मेवारी सम्हाली रहेका थिए । ३ बर्ष कार्यकाल मध्ये अब बाँकी रहेको १ बर्ष कार्यकालको जिम्मेवारी अध्यक्ष शर्माले सम्हाल्ने छिन् । तीन दशकभन्दा बढि समयदेखि सामाजिक क्षेत्रमा सक्रिय शर्मा एबिसी नेपालका केन्द्रिय अध्यक्ष रहेकी छिन ।

१८औं बार्षिक साधारण सभामा विराटनगर महानगरपालिकाका मेयर नागेश कोइराला, जिल्ला समन्व्य समिति मोरङका उपाध्यक्ष उषा झा, मोरङका प्रमुख जिल्ला अधिकारी तिर्थराज भट्टराई, गैर सरकारी संस्था महासंघ नेपाल प्रदेश नं. १ का अध्यक्ष लखन साह, नेपाल पत्रकार महासंघ मोरङका अध्यक्ष सन्जिव खनालले मन्तव्य व्यक्त गरेका थिए ।

साधारण सभामा विराटनगर महानगरपालिका क्षेत्रमा काम गरिरहेका संघ संस्थाको प्रोफाइल तयार पारेर सार्वजनिक गरिएको छ ।