• ... ४५८  पटक हेरिएको

शनिबार, माघ २८, २०७९ समय : १०:५६:०० , २ वर्ष अगाडि

• चिरफार डटकम, विराटनगर

नेपाल उद्योग परिसंघ प्रदेश नं. १ विराटनगरले विराटनगरमा आयोजना गरेको सीएनआई कोसी एक्स्पो २०७९ मा जेष्ठ नागरिकलाई बिना टिकट एक्स्पो अवलोकन गर्ने व्यवस्था मिलाईएको छ । परिसंघले माघ १९ देखि २८ गतेसम्म विराटनगर–२ स्थित विराट नर्सिङ होमपूर्व शंकरपुर मार्गमा सीएनआई कोसी एक्स्पोको आयोजना गरेको छ ।

परिसंघका अध्यक्ष भीम घिमिरेले सामाजिक उत्तरदायित्व अन्तर्गत एक्स्पोमा रहेका ४ सय मध्ये १० भन्दाबढि स्वदेशी उत्पादनको उद्योगलाई निःशुल्क रुपमै स्टल उपलब्ध गराएको बताए । ज्येष्ठ नागरिकलाई बिना टिकट एक्स्पो अवलोकनको व्यवस्था मिलाईको परिसंघका अध्यक्ष भीम घिमिरेले जानकारी गराए ।

३० हजारभन्दा बढि ज्येष्ठ नागरिकले एक्स्पोको अवलोकन गरिसकेका छन् भने आज शनिबार अन्तिम दिन २० हजारभन्दा बढि ज्येष्ठ नागरिकले एक्स्पोको अवलोकन गर्ने अपेक्षा गरिएको अध्यक्ष घिमिरेले बताए ।