- ब्रह्मदेव यादव, विराटनगर ४२८ पटक हेरिएको
बिहिबार, चैत्र २०, २०८१ समय : १२:५६:३१ , १ दिन अगाडि
जिल्ला प्रहरी कार्यालय मोरङका उच्च पद दर्जाका प्रहरी अधिकृतले कुटपिट घटनाका पीडित पक्षको मुद्दा दर्ता नगरी मिल्न दबाब दिइरहेका छन् ।
मोरङ जिल्लाको धनपालथान गाउँपालिका–६ राम चौकका जोगीकुमार महत्तो र उनका श्रीमती रुकोदेवी महत्तोले कुटपिट घटना विरुद्ध घटनाका अभियुक्त नयाँ बजारका विजय सोरेनका विरुद्ध किटानी जाहेरी दर्ता गर्न जाँदा जिल्ला प्रहरी कार्यालय मोरङले जाहेरी नलिई उल्टै घटनाका अभियुक्त सँग मिल्न दबाब दिइरहेका छन् ।
धनपालथान–४ का महत्तो चैत १७ गते आइतबार घर फर्किने क्रममा कटहरीको नयाँ बजारमा उनी माथि सोरेन सहित २ जनाले ज्यान मार्ने गरी आक्रमण गरेका थिए । पीडित महत्तोको टाउकोमा गम्भीर चोट लागेको छ । र उनले विभिन्न अस्पतालमा उपचार गराएर घर फर्केका छन् ।
पीडित महत्तो दम्पतीले बिहीबार विराटनगरमा पत्रकार सम्मेलन गरेर कुटपिट घटनामा न्याय नपाएको र राज्य उदासीन रहेको गुनासो गरेका छन् । घटनाको बारेमा किटानी जाहेरी मोरङ प्रहरीले लिन नचाहेको पीडित महत्तो दम्पतीको गुनासो छ । जिल्ला प्रहरी कार्यालय मोरङमा कार्यरत उच्च पद दर्जाका कुन व्यक्तिले पिडितको मुद्दा दर्ता हुँदैन ।
जाहेरी च्यातेर फालिदिन्छु नत्र घटनाका आरोपी सँग मिल्नु भनेर दबाब दिइरहेका छन् । यसको पर्दाफास हुन जरुरी छ । मोरङ प्रहरीले यसरी घटनाका पीडित माथि दबाब दिने प्रहरी अधिकृतलाई कानुनी दायरामा ल्याउन जरुरी छ ।
मोरङ प्रहरी मात्रै नभई कटहरीका सुरज चौधरीले ९८१४३५८१८८ मोबाइल नम्बरबाट पीडित रुको देवी महत्तोको ९८२४३२५६२९ मोबाइल नम्बरमा प्रहरी हुँ भन्दै फोन गरेर धम्काइ रहेका छन् । कामतले म प्रहरी बोलेको हुँ भन्दै मोरङ प्रहरीमा तुरुन्तै जाहेरी दिन आउनु भन्दै जिल्ला प्रहरी कार्यालय मोरंग पुगेको पीडित महत्तोलाई मिल्न दबाब दिइरहेका छन् ।
