- चिरफार डटकम, विराटनगर ४३१ पटक हेरिएको
बुधबार, चैत्र १९, २०८१ समय : १७:१२:३७ , १ दिन अगाडि
मारवाडी युवा मञ्च विराटनगरको आगामी अध्यक्ष पदका लागि मोहित लालवानीले दावेदारी प्रस्तुत गरेका छन् । लालवानी मञ्चको प्रथम उपाध्यक्ष रहेका छन् । मारवाडी युवा माझ निकै नै लोकप्रिय रहेका लालवानी १० वर्षभन्दा बढी समयदेखि मारवाडी युवा मञ्च विराटनगरमा सक्रिय रहेका छन् ।
मञ्चको विभिन्न पदमा बसेर काम गरिसकेका लालवानी यतिखेर प्रथम उपाध्यक्षको भूमिकामा रहेका छन् । मारवाडी युवा मञ्च विराटनगरमा १ कार्यकाल सदस्य, २ कार्यकाल महासचिव, १ कार्यकाल द्वितीय उपाध्यक्ष र १ कार्यकाल प्रथम उपाध्यक्ष हुँदै लालवानी अध्यक्ष बन्न लागेका हुन् ।
मञ्चको शुक्रबार हुन लागेको साधारण सभा मार्फत लालवानी अध्यक्ष बन्न लागेको हो । कोभिड–१९ महामारीको बेला मारवाडी युवा मञ्च विराटनगरको महासचिव रहेको बेला लालवानीले विभिन्न संघ संस्था र व्यक्ति विशेषबाट सहयोग रकम जुटाएर समस्यामा परेकालाई खाद्यान्न सामग्री वितरण गरेका थिए ।
कोरोना महामारीको बेला ज्यानको प्रवाह नगरीकन सधै अग्रपङ्तीमा खटिएको कारण मारवाडी सेवा समितिले लालवानीलाई सम्मान गरेका थिए ।
