- ब्रह्मदेव यादव, विराटनगर २७२ पटक हेरिएको
सोमबार, चैत्र १७, २०८१ समय : १८:३२:३८ , ३ दिन अगाडि
कोशी प्रदेश सरकारले २०८२ साल वैशाख १८ र १९ गते विराटनगरमा आयोजना गर्न लागेको लगानी सम्मेलन बारे छलफल सुरु गरेका छन् । कोशी प्रदेशका मुख्यमन्त्री हिक्मतकुमार कार्कीले सोमबार पूर्व मुख्यमन्त्री भीम आचार्य र उद्धव थापासँग छलफल गरेका छन् । प्रदेश सरकारका मन्त्री, मुख्य सचिव, सचिव र उच्च पद श्रेणिका कर्मचारीहरू छलफलमा सहभागी थिए ।
कोशी प्रदेश सरकारका प्रवक्ता एवं आन्तरिक मामिला तथा कानुन मन्त्री रेवतीरमण भण्डारीले लगानी सम्मेलन मार्फत वैदेशिक लगानी भित्र्याउने उद्देश्यका साथ मुख्यमन्त्री कार्कीले पूर्व मुख्यमन्त्री आचार्य र थापा सँग छलफल गरेको बताए ।
मुख्यमन्त्री कार्कीले कोशी प्रदेशलाई समृद्ध प्रदेश बनाउन विदेशी लगानी आवश्यक रहेको प्रस्ताव गरेको र त्यसलाई सहयोग गर्ने पूर्व मुख्यमन्त्री आचार्य थापाले प्रतिबद्धता व्यक्त गरेको प्रवक्ता भण्डारीले बताए ।
कोशी प्रदेश सरकारले लगानी सम्मेलन मार्फत कृषि, उद्योग, पर्यटन, पूर्वाधार, ऊर्जा, सूचना प्रविधि र फोहोर व्यवस्थापनको क्षेत्रमा १ खर्ब रुपैयाँ विदेशी लगानी भित्र्याउने तयारी गरेको छ ।
