• चिरफार डटकम, विराटनगर ४१३  पटक हेरिएको

सोमबार, चैत्र १७, २०८१ समय : १३:३२:२८ , ३ दिन अगाडि

प्रहरीको जागिर प्रति आकर्षण घटेको छ । कोशी प्रदेशमा मात्रै सयौँले प्रहरीको जागिरबाट राजीनामा दिएका छन् । सरकारले नेपाल प्रहरीमा कार्यरत जुनियर देखि सिनियर प्रहरीलाई उपचार सेवा बापत जागिर छोड्ने वेलामा एकमुस्ट ८ लाख रुपैयाँ दिने व्यवस्था कटौती गर्न लागेका छन् । जसको कारण प्रहरीको जागिर छोड्नेको जमात बाक्लै छ । कोशी प्रदेशमा मात्रै सयौँले जागिरबाट राजीनामा दिएको कोशी प्रदेश प्रहरी कार्यालय विराटनगरले तथ्याङ्क सार्वजनिक गरेका छन् । नेपाल प्रहरीमा भर्ना भएका जो कोहीले ३२ वर्षे जागिर अवधिको दौरान बढुवाको प्रक्रिया मार्फत उच्च पदमा पुग्ने व्यवस्था रहेको थियो । तर पछिल्लो समय सरकाले बढुवा प्रक्रियालाई प्रभावित पार्ने गरी अनावश्यक पदको सृजना गरेका छन् । गृह मन्त्रालयले पछिल्लो समय हवलदारबाट प्रहरी सहायक निरीक्षक र प्रहरी नायव निरीक्षकबाट सिधै प्रहरी निरीक्षकमा बढुवा हुने व्यवस्थालाई प्रभावित गरेर वरिष्ठ हवलदार र वरिष्ठ प्रहरी नायव निरीक्षकको पद सृजना गरेका छन् । जसको कारण प्रहरीको उच्च पदमा पुग्न लामो समय पर्खनु पर्ने अवस्था सृजना भएको छ । अनावश्यक रूपमा सृजना गरेको पदको कुनै तुक छैन । अनावश्यक रूपमा सृजना गरेको पदप्रति असन्तुष्ट रहेका प्रहरी पछिल्लो समय सरकारले औषधि उपचार खर्च बापतको मोटो रकम कटौती गर्न लागेपछि बाध्यतावस प्रहरीको जागिर छोड्ने संख्या बढ्न थालेका छन् ।