- ब्रह्मदेव यादव, विराटनगर ३५५ पटक हेरिएको
आइतबार, चैत्र १६, २०८१ समय : १६:११:०८ , ४ दिन अगाडि
राजेन्द्र लिङदेन अध्यक्ष रहेको राष्ट्रिय प्रजातन्त्र पार्टीले शान्ति पूर्ण आन्दोलनका लागि तैयारी अवस्थामा रहन नेता तथा कार्यकर्ताहरूलाई निर्देशन दिएका छन् ।
पूर्व राजा फर्काउने उद्देश्यका साथ चैत १५ गते काठमाडौँमा आयोजना गरिएको राजावादीहरुको आन्दोलन पछि प्रहरीले तोडफोड, आगजनी, लुटपाट र व्यक्ति हत्याको आरोपमा राष्ट्रिय प्रजातन्त्र पार्टीका वरिष्ठ उपाध्यक्ष रविन्द्र मिश्र, महामन्त्री धवल शमशेर राणा, अधिवक्ता स्वागत नेपाललाई पक्राउ गरेका थिए ।
२४ घण्टा भित्र पक्राउ गरिएका नेता तथा कार्यकर्ताहरूलाई विना शर्त रिहा नगरे आन्दोलन गर्ने सरकारलाई अल्टिमेटम दिएको राष्ट्रिय प्रजातन्त्र पार्टीले शान्ति पूर्ण आन्दोलनका लागि नेता तथा कार्यकर्ताहरूलाई तैयारी अवस्थामा रहन निर्देशन दिएका छन् ।
राष्ट्रिय प्रजातन्त्र पार्टी मोरङका अध्यक्ष गोपाल क्षेत्री कटुवालले आइतबार विज्ञप्ति जारी गरेर विराटनगर महानगरपालिका, नगरपालिका, गाउँपालिका, क्षेत्र, प्रादेशिक, वडा र टोल संगठनका पदाधिकारीहरूलाई आन्दोलनको लागि तयार रहन निर्देशनात्मक उद्री जारी गरेका छन् ।
यस अघि राष्ट्रिय प्रजातन्त्र पार्टी मोरङले पूर्व राजा फर्काउन माग गर्दै दुई पटक विराटनगरमा मोटरसाइकल र्याली निकाली सकेका छन् ।
