- ब्रह्ममदेव यादव, विराटनगर ६३१ पटक हेरिएको
शनिबार, चैत्र १५, २०८१ समय : २१:००:४७ , ५ दिन अगाडि
नेपाल मारवाडी गणगौर पूजा समिति विराटनगरले ८ जना महिलाहरूलाई सम्मान गरेका छन् । जसमा ६ जना मारवाडी र २ जना गैर मारवाडी समुदायका महिलाहरू रहेका छन् ।
नेपाल मारवाडी गणगौर पूजा समितिले शनिवार विराटनगरमा आयोजना गरेको ३८ औँ गणगौर पूजा महोत्सवमा मारवाडी समुदायबाट श्वेता अटल, बन्दना अटल, दिक्षा धाडेवा, सीए मिनाक्षी तापडिया, डा. बन्दना जैन र निशा अटलालई सम्मान गरेका छन् । गैर मारवाडी समुदायबाट योग प्रशिक्षक ज्ञानु न्यौपाने बोगटी र सुधा पौडेललाई सम्मान गरेका छन् ।
कार्यक्रमका प्रमुख अतिथि कोशी प्रदेशका प्रदेश प्रमुख पर्शुराम खापुङ, नेपाल मारवाडी गणगौर पूजा समिति २०८१ का अध्यक्ष ललिता जाजु, समितिका निवर्तमान अध्यक्ष उद्योगी नन्दकिशोर राठी र समितिका संस्थापक अध्यक्ष मुलचन्द तापडियाले ८ जना महिलाहरूलाई खादा माला र सम्मान-पत्रले सम्मान गरेका थिए ।
नेपाल मारवाडी गणगौर पूजा समिति विराटनगरका अध्यक्ष महिला उद्यमी ललिता जाजुले समाजको हरेक क्षेत्रमा उत्कृष्ट काम गरिरहेका ८ जना महिलाहरूलाई सम्मान गरिएको बताए । श्रीहरि सत्संग समिति नेपालका अध्यक्ष भिखमचन्द सरल कार्यक्रममा विशिष्ट अतिथिको रूपमा सहभागी थिए ।
