- ब्रह्मदेव यादव, विराटनगर ३०९ पटक हेरिएको
बिहिबार, चैत्र १३, २०८१ समय : १६:१७:५५ , १ हप्ता अगाडि
रोटरी क्लब अफ विराटनगर डाउन–टाउनले विराटनगर–१ स्थित शिव आधारभूत विद्यालयमा नयाँ संरचना निर्माण गरेका छन् । साथै पुराना संरचनाको मर्मत सम्भार सहित विद्यालय प्रशासनलाई दुई थान कम्प्यूटर र आवश्यक फर्निचर सामग्री उपलब्ध गराएका छन् ।
रोटरी क्लब अफ विराटनगर २०२४/०२५ का अध्यक्ष मञ्जु अग्रवालको नेतृत्वमा रहेको क्लबले विद्यालय शैक्षिक सुधार कार्यक्रम अन्तर्गत विराटनगर–१ स्थित बेलगाछीमा रहेको शिव आधारभूत विद्यालयमा दुई वटा नयाँ शौचालयको निर्माण गरेका छन् । दुई पुरानो शौचालयको मर्मत सम्भार गरिएको छ ।
विद्यालयमा खानेपानीको लागि मुहानको स्थापना, विद्यालयलाई दुई थान कम्प्यूटर, सिमाना पर्खालको मर्मत सम्भार, बाहिरी क्षेत्रको रंगरोगन, विद्यालयमा बत्ती, पंखा जडानको काम गरेका छन् । विराटनगर महानगरपालिकाले रोटरी डाउन–टाउन सँग मिलेर विद्यालयमा थप दुई वटा नयाँ शौचालय निर्माण गरेका छन् । अब विद्यालयमा चार नयाँ र दुई पुराना गरी ६ शौचालय सञ्चालनमा आएका छन् ।
रोटरी क्लब अफ विराटनगर डाउन–टाउनका असिस्टेन्ट गर्भनर डा. बिजु थपलिया, विराटनगर महानगरपालिकाका उपमेयर शिल्पा निराला कार्की, विराटनगर महानगरपालिका शैक्षिक प्रशासन महाशाखा प्रमुख डा. कृष्ण भट्टराई, विराटनगर–१ का वडा अध्यक्ष काजीबहादुर बस्नेत, रोटरी क्लब अफ विराटनगर डाउन–टाउनका अध्यक्ष मञ्जु अग्रवाल, चार्टर प्रेसिडेन्ट डा. ममता बर्मा, आइपीपी कुसुम अग्रवाल सहित क्लबका पूर्व अध्यक्षहरूले विद्यालय व्यवस्थापन समितिका अध्यक्ष खेमराज नेपाललाई निर्माण गरिएको नयाँ संरचना हस्तान्तरण गरेका छन् ।
