- चिरफार डटकम, विराटनगर ६७३ पटक हेरिएको
बिहिबार, चैत्र १३, २०८१ समय : १३:५४:०२ , १ हप्ता अगाडि
उद्योगी एवं समाजसेवी देवकीनन्दन अग्रवालले नेपाली जनताले विकल्प खोजेको धारणा व्यक्त गरेका छन् ।
देशमा भइरहेको राजावादीहरूको आन्दोलन प्रति लक्षित गर्दै अग्रवालले सरकार सञ्चालन गरिरहेका राजनीतिक दल विरुद्धको असन्तुष्टि रहेको बताए । गणतन्त्रमा लुटतन्त्र हाबी हुँदा जनतामा असन्तुष्टि बढेको अग्रवालको भनाई छ ।
सामान्य रोजीरोटीका लागि नेपाली जनता देश छोड्नु पर्ने कहाली लाग्दो अवस्था रहेको परिस्थितिमा राजनैतिक दलले जनताको भावना र मर्म अनुसार सरकार सञ्चालन गर्न नसक्दा जनता विकल्पको खोजी गर्दै सडकमा उत्रिएको अग्रवालको भनाई छ ।
२०६२/०६३ को जनआन्दोलन पछि गठन भएको सरकारको पालैपालो नेतृत्व गरिरहेका राजनीतिक दल अपेक्षाकृत रूपमा अगाडि बढ्न नसक्दा जनता विकल्पको खोजीमा लागेको अग्रवालले बताए । अझै पनि सरकार सञ्चालन गरिरहेका राजनीतिक दल नेपाली जनताको मन जित्ने गरी काम गर्न सुझाव दिएका छन् ।
