- ... ८०८ पटक हेरिएको
शुक्रबार, माघ २०, २०७९ समय : १३:५३:०७ , २ वर्ष अगाडि
- चिरफार डटकम, विराटनगर
युवा पुस्तामाझ अत्याधिक लोकप्रिय बनेका पप स्टार सविन राईले विराटनगरमा जारी सीएनआई कोसी एक्स्पोमा शुक्रबारको साँझ आफ्नो प्रस्तुति गर्ने कार्यक्रम छ ।
गीत संगीतका माध्यमबाट ‘क्राउड क्रिएटर’ को छवि बनाएका राई र उनको चर्चित ब्याड फारोहको प्रस्तुतिले विराटनगरका दर्शक तताउने छ ।
प्रदेश १ कै सुन्दर शहर धरानबाट संगीतको यात्रा थालेका राईको प्रस्तुतिले कोहिपनि दर्शकहरु चुप लागेर बस्ने छैनन् । किनभने उनका हरेक लाइभ कन्सर्ट यति हिट हुन्छन् ।
राईले यसअघि विराटनगर आएर आफ्नो प्रस्तुति दिंदा उनलाई लाइभ सुन्न विराटनगरबाट मात्रै होइन कि नजिकका प्रमुख शहरहरु इटहरी, धरान, उर्लाबारी, दमक, गाईघाट र विर्तामोडसम्मका दर्शक उर्लिएका थिए ।
उत्कृष्ट साउण्ड सिस्टम र लाइटमा उनले दर्जनौं गीतका माध्यमबाट शुक्रबार विराटनगरको सन्ध्याकालिन चिसोलाई पनि भुलाउने छन् । दर्शकहरुले राईलाई नजिकैबाट लाइभ हेर्नेछन् । उनका लोकप्रिय गीतहरुमा झुमिने छन् । गुराँसको फेदमुनी, कोमल त्यो तिम्रो वदनमा, किन कि म, नमूना, म संसार जित्ने आँट गर्दैछु जस्ता उसका लोकप्रिय गीत हुन् ।
नेपाल उद्योग परिसंघ १ नं. प्रादेशिक कार्यालय विराटनगरले विराटनगर–२ स्थित विराट नर्सिङ होम पूर्व शंकरपुरको दुई बग्लाबेग्लै खाली मैदानलाई एउटै बनाएर सीएनआई कोशी एक्स्पोको आयोजना गरेको छ ।
