• चिरफार डटकम, विराटनगर ३८९  पटक हेरिएको

शुक्रबार, पुष ०५, २०८१ समय : १७:५४:५१ , १ दिन अगाडि

नेपाली कांग्रेसले युवा नेता प्रविण जोशीलाई मोरङ क्षेत्र नं. ६ (ख) प्रदेश सभाको कोषाध्यक्षमा मनोनयन गरेको छ । नेपाली कांग्रेस मोरङ क्षेत्र नं. ६ (ख) प्रदेश सभाका सभापति मधुबाबु तिवारी र सचिव माधव राजभण्डारी (बिमल) ले विज्ञप्ति जारी गरेर जोशीलाई कोषाध्यक्षमा मनोनयन गरेको जानकारी गराएको छ ।

नेपाली कांग्रेसको विधान १० को उपदफा (७) बमोजिम जोशीलाई कोषाध्यक्षमा मनोनयन गरिएको सभापति तिवारी र सचिव राजभण्डारीद्वारा हस्ताक्षरित विज्ञप्तिमा उल्लेख गरिएको छ ।

गिरिजाप्रसाद कोइराला फाउन्डेसन विराटनगरका अध्यक्ष जोशी भन्सार एजेन्ट महासंघ नेपालका केन्द्रीय सचिव र नेपाल उद्योग वाणिज्य महासंघ कोशी प्रदेश समितिको भन्सार संयोजकको रूपमा कार्यरत रहनु भएको छ ।

जोशी नेपाली कांग्रेस विराटनगर महानगर समितिका उपाध्यक्ष, नेपाल तरुण दल विराटनगर महानगर समितिका सचिव हुँदै अध्यक्ष पदमा बसेर काम गरिसकेका छन् ।