- चिरफार डटकम, विराटनगर ३१० पटक हेरिएको
बुधबार, कार्तिक २८, २०८१ समय : १७:२७:५८ , २ हप्ता अगाडि
राजेन्द्र लिङदेन अध्यक्ष रहेको राष्ट्रिय प्रजातन्त्र पार्टीले मोरङको ग्रामथान गाउँपालिका अध्यक्षको लागि दिनेशकुमार थान्दारलाई उम्मेदवार बनाएको छ । राष्ट्रिय प्रजातन्त्र पार्टी मोरङको बुधबार बसेको बैठकले थान्दारलाई सर्वसम्मत रुपमा अध्यक्षको उम्मेदवार बनाएको हो ।
राष्ट्रिय प्रजातन्त्र पार्टीका महामन्त्री प्रहलाद साह, केन्द्रिय सदस्य दिनेश साह र मोरङ अध्यक्ष गोपाल कटुवाल बैठकमा सहभागि थिए । मोरङको ग्रामथान गाउँपालिकामा मंसिर १६ गते उपनिर्वाचन हुन लागेको छ । ग्रामथान गाउँपालिकाका अध्यक्ष जयप्रकाश गच्छदारको असामयिक निधन भएपछि त्यहाँ उपनिर्वाचन हुन गइरहेका छन् ।
ग्रामथान गाउँपालिकामा नेपाली कांग्रेसले विजय प्राप्त गरेको थियो । उपनिर्वाचनका लागि नेपाली कांग्रेसले बलराम सरदार, नेकपा एमालेले तुलसीराम विश्वास, नेकपा माओवादी केन्द्रले नमोनारायण चौधरीलाई उम्मेदवार बनाइ सकेका छन् ।
