- चिरफार डटकम, विराटनगर ३९३ पटक हेरिएको
बुधबार, कार्तिक १४, २०८१ समय : १५:५८:०० , ३ हप्ता अगाडि
सत्ताघटक राजनैतिक दल नेकपा एमाले मोरङले बुधबार शुभकामना आदानप्रदान तथा चियापान कार्यक्रम आयोजना गर्यो । नेकपा एमालेको विराटनगर–११, पाञ्चाली स्थित मोरङ जिल्ला पार्टी कार्यालयमा आयोजित शुभकामना आदानप्रदान तथा चियापान कार्यक्रममा बाक्लो संख्यामा नेता तथा कार्यकर्ताहरुको सहभागिता रहेको थियो ।
नेकपा एमालेका बरिष्ठ उपाध्यक्ष एवं पूर्व उपप्रधानमन्त्री इश्वर पोखरेल, केन्द्रिय उपाध्यक्ष गुरु बराल, स्थायी समिति सदस्य एवं कोशी प्रदेश इन्चार्ज शेरधन राई, केन्द्रिय सदस्य जीवन घिमिरे, मोती दुगड, कोशी प्रदेश अध्यक्ष घनश्याम खतिवडा, मोरङ अध्यक्ष बाबुराम कार्की अतिथिको रुपमा कार्यक्रममा सहभागि थिए ।
मोरङको सबै स्थानिय तहका नेता तथा कार्यकर्ताहरु चियापान कार्यक्रममा सहभागि थिए । नेकपा एमाले मोरङले नेपालीहरुको महान सांस्कृतिक चाड पर्वहरु दशै, तिहार, नेपाल संवत ११४५, छठ, ईद, ल्होसारको अवसरमा शुभकामना आदानप्रदान तथा चियापान कार्यक्रमको आयोजना गरेका थिए ।
