- चिरफार डटकम, विराटनगर ४४९ पटक हेरिएको
आइतबार, कार्तिक ११, २०८१ समय : १८:३३:०१ , ४ हप्ता अगाडि
विष्णु शर्मा गैरसरकारी संस्था महासंघ नेपाल मोरङ जिल्लाको अध्यक्ष पदमा निर्वाचित भएकी छिन् । गैरसरकारी संस्था महासंघ नेपाल मोरङको आइतबार विराटनगरमा सम्पन्न २०औं साधारण सभा तथा १०औं जिल्ला अधिवेशनबाट सर्वसम्मत रुपमा शर्मा अध्यक्ष पदमा निर्वाचित भएकी हुन् ।
शर्मा ९औं जिल्ला अधिवेशनबाट उपाध्यक्ष पदमा निर्वाचित भएका थिए । र अध्यक्षको रुपमा सफलता पूर्वक काम गरिसकेकी छिन् । शर्मा एबीसी नेपालको कोशी प्रदेश अध्यक्ष रहेकी छिन् । गैरसरकारी संस्था महासंघ नेपाल मोरङको विराटनगरमा सम्पन्न २०औं साधारण सभा तथा १०औं जिल्ला अधिवेशनबाट सरिता खनाल उपाध्यक्ष, नवराज निरौला सचिव, बागमती कट्टेल सहसचिव, प्रतिक्षा बस्नेत कोषाध्यक्ष पदमा निर्वाचित भएका छन् ।
कल्याणी खड्गी, बनेशलाल राजवंशी, भारती पोखरेल, सुवण लावती, माया ओझा, इन्द्रकला भट्टराई, गणेशप्रसाद निरौला, केशव मिश्रा, अर्जुन बास्तोला, मनोजकुमार विश्वास, प्रकाश परियार र निसार अहमद कार्यसमिति सदस्यमा निर्वाचित भएका छन् ।
गैरसरकारी संस्था नेपाल महासंघका केन्द्रिय अध्यक्ष राम सुवेदीको प्रमुख आतिथ्यतामा साधारण सभा तथा जिल्ला अधिवेशन सम्पन्न भएको हो ।
