• ... ५१२  पटक हेरिएको

सोमबार, माघ १६, २०७९ समय : १७:१४:१४ , २ वर्ष अगाडि

• चिरफार डटकम, विराटनगर

नेकपा एमाले निकट नेपाल खेलकुद महासंघको दोस्रो राष्ट्रिय महाधिवेशन विराटनगरमा हुने भएको छ । २०७९ फागुन ७, ८ र ९ गते विराटनगरमा हुन लागेको दोस्रो राष्ट्रिय महाधिवेशनमा देशभरीबाट ५ सय ५० जना प्रतिनिधिको सहभागिता रहने छ ।

महासंघका केन्द्रिय अध्यक्ष पर्शुराम बस्नेतले सोमबार विराटनगरमा पत्रकार सम्मेलन गरेर दोस्रो राष्ट्रिय महाधिवेशन सम्पन्न गर्न ६५ लाख भन्दा बढि रकम खर्च हुने जानकारी गराए । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले फागुन ७ गते विराटनगरको विराट नर्सिङ होम पूर्व शंकरपुरको खाली मैदानमा महाधिवेशनको उद्घाटन गर्ने कार्यक्रम तय गरिएको छ ।

विराटनगरको बरगाछी स्थित होटल मनास्लु इनमा दोस्रो महाधिवेशनको दोस्रो सत्रले नयाँ पदाधिकारी चयन गर्दै महाधिवेशन सम्पन्न भएको घोषणा हुनेछ ।