• ब्रह्मदेव यादव, विराटनगर ७६९  पटक हेरिएको

मंगलबार, जेठ ०८, २०८१ समय : १४:३७:५८ , ६ महिना अगाडि

अन्तर्राष्ट्रिय कृष्णभावनामृत संघ (इस्कोन नेपाल) का प्रमुख परमपूज्य श्रीमत् महाविष्णु स्वामीमहाराजलाई मंगलबार विराटनगरमा भव्य स्वागत गरिएको छ । इस्कोन नेपालको विराटनगर शाखाका सचिव भानुभक्त जोशी सहित पदाधिकारीहरूले स्वामी महाराजलाई विराटनगर विमानस्थलदेखि विराटनगर शाखा कार्यालयसम्म भव्य स्वागत गरेका थिए ।

स्वामी महाराज मंगलबार काठमाडौंबाट विराटनगर आइपुगेका थिए । र स्वामी महाराजको शनिबार काठमाडौं फर्किने कार्यक्रम छ । ४ दिन सम्म स्वामी महाराज विराटनगर, धरान र झापाको कार्यक्रममा सहभागिता जनाउने छन् । स्वामी महाराज पहिलो पटक इस्कोनको विराटनगर शाखा कार्यालयमा आइपुगेका हुन् ।

जहाँ बाक्लो संख्यामा उपस्थित वैद्धिक सनातन तथा हिन्दु धर्मावलम्बीहरुले भव्य स्वागत गरे । बेलायतमा जन्मिएका स्वामी महाराज सन् १९७७ देखि नेपालमा वैद्धिक सनातन तथा हिन्दु धर्मको संरक्षण, सम्वर्द्धन कार्यमा सक्रिय छन् ।

हरे राम हरे कृष्ण कृष्ण–कृष्ण हरे हरे को श्वलकको स्वरमा स्वामी महाराजले इस्कोन धर्मावलम्बीहरू सँगको नाचगानमा सहभागिता जनाएका थिए । बेलायतको मन्दिरमा सिकेको वैद्धिक सनातन तथा हिन्दु धर्मको बारेमा नेपालमा प्रचार–प्रसार गरी रहेको स्वामी महाराजले भक्तजनलाई बताए ।